Поранешниот фудбалер на Порто и Марсеј, а сегашен член на бразилскиот клуб Параненсе Лучо Гонзалес, е осомничен за обид за убиство над својата сопруга.
Имено, неговата сопруга тврди дека Гонзалес се обидел да ја убие, а таа го пријавила во полиција, за злоставување и малтретирање, па дури и за обид за убиство.
„Се обиде да ми ги пресече вените. Ме давеше, потоа ме држеше на тераса, да висам наопаку. Ги повика и децата да го гледаат тоа, а потоа ме фрли од тераса во дворот. Викаше по мене дека ќе ме убие“, открива 36 годишната сопруга на овој фудбалер.
