Актуелниот тренер на Челси Антонио Конте е познат по отворениот пристап кон новинарите, поради што околу него никогаш не се пласираат шпекулации.
Сити оваа сезона игра атомски фудбал. Впишаа 16. победи и дефинитивно можаат да сметаат дека приказната околу титулата за шампион во Англија е завршена, а тоа го призна и Антонио Конте пред десетина дена.
Се појави информација дека граѓаните сакаат да го купат одбранбениот играч Виргил Ван Џика од Саутемптон, а Конте би сакал такво нешто да не се случи.
“Секоја екипа, секој тим, мора да обрати посебно внимание“, започна Конте па продолжи: “Бидејќи ако клуб како Сити ги земе сите најдобри фудбалери, на сите позиции, ќе биде тешко да се бори било кој со нив. Не само во Англија, туку и во Европа. Ако тие можат да го донесат, нивно право е дали тоа ќе го направат или не. Кога имате прилика да излезете на трансфер пазарот и да потрошите многу пари мислам дека тоа право никој не може да ви го одземе. Сепак, некогаш може да потрошите многу пари на погрешен начин. Мора да се биде паметен во изборот кога се бира позиција на која сакате да купите играч“, рече Конте.