Американскиот град Чикаго се најде на листата меѓу најдобрите градови за забава и уживање според едно истражување. И покрај големата стапка на криминал, третиот најголем американски град, благодарение на многубројните ресторани и барови, по втор пат е на чело на листата за најзабавни градови според британскиот магазин за култура и забава “Тајм Аут”.
“Овој град им нуди на посетителите огромни можности за храна и пијалаци, забава и културни искуства на секој агол”, вели Морган Олсен, уредник на магазинот Тајм Аут Чикаго. Според анкетата на 15.000 лица во 32 градови од Суидад де Мексико па сè до Банког, од кои се барало да ги рангираат градовите според храна, пијалак, култура, пријателски односи, пристапност, забава и живот, Чикаго го зазема првото место.
Чикаго вкупно имаше наптросечни оцени вклучувајќи ги храната и пијалаците, а единствена маана била безбедноста. После Чикаго, следуваа Порто, Њујорк, Мелбурн и Лондон.
Њујорк има одличен ноќен живот, а Парижаните имаат најдобар сексуален живот, додека градот Остин, Тексас нуди најдобра музика во живо.
