Арамии ограбиле две црковни ѕвона изработени од месинг, кои заедно тежеле 140 килограми и биле сместени на камбанаријата во манастирскиот комплекс „Свети Пантелејмон“ во кочанското село Пантелеј.
Кражбата била извршена во периодот од 20 до 21 јануари, а случајот во кочанската полиција вчера бил пријавен од страна на домаќинот на црквата.
Двете ѕвона имаат огромна вредност, ако се знае дека датираат од 1871. година, кога всушност и била изградена црквата „Свети Пантелејмон“. МВР работи на расчистување на случајот.