Поранешниот албански амбасадор во Македонија, Арбен Чејку за ABC News рече дека вистинската победа за новиот претседател Стево Пендаровски му ја овозможил Али Ахмети, пренесува порталот на албански јазик Медиал.мк.
-Во општините каде што Македонците имаат доминација, Пендаровски немаше некој голем резултат, вистинската победа му ја дадоа Албанците, Ахмети, кој според мене е морален претседател на Северна Македонија, кој водеше многу важни процеси за договорот со Грција, дури и за членство во НАТО “, рече Чејку.
Прочитајте повеќе: ВМРО-ДПМНЕ – Погрешните политики на СДСМ граѓаните најдобро ги чувствуваат на својот грб и својот џеб.
Погрешните политики на СДСМ граѓаните најдобро ги чувствуваат на својот грб и својот џеб. Ветената плата од 500 евра се уште ја нема, реагираат од ВМРО-ДПМНЕ.
-Се отвори спиралата на поскапување па сега граѓаните плаќаат поскапо гориво, поскап леб, поскапи намирници и општо поскапа потрошувачка кошница. Од ден во ден стандардот на граѓанинот тоне, додека власта се богати преку сомнителните тендери, доделувањето на концесии и непотистичките вработувања. Растот на економијата во Македонија е убедливо најнизок во Европа и регионот, 70% граѓани земаат плата помала од просечната, над 500 илјади граѓани живеат под прагот на сиромаштијата, над 140 илјади млади се сиромашни, 47,6%младите се невработени и над 70% млади сакаат да ја напуштат државата заради бесперспективност. Сите овие поразителни бројки се резултат на погубните политики на Заев, Тевдовски и Анѓушев. СДСМ со своите манипулации може самиот себе да се лаже, ама реалноста во Македонија е црна и секој ден станува полоша, се наведува во соопштението на ВМРО-ДПМНЕ.