Лидерот на ВМРО-ДПМНЕ, Христијан Мицкоски, за „Независен весник“ вели дека нема контакт со почесниот претседател на партијата и бегалец, Никола Груевски, уште од периодот кога СДСМ му овозможи да избега.
Мицкоски изминатите два дена беше во Будимпешта, придружуван од потпретседателот Александар Николовски, каде имаа средби со унгарскиот премиер Виктор Орбан.
Во официјалните соопштенија од ВМРО-ДПМНЕ, за разлика од шпекулациите, никаде не се спомена дека Мицкоски ќе има каков било контакт со Груевски.
Делегација предводена од Мицкоски утре на одбележување на Илинден во Ташмаруниште
Делегација предводена од претседателот на ВМРО-ДПМНЕ, Христијан Мицкоски утре ќе присуствува на одбележување на празникот 2-ри Август, Илинден во село Ташмаруниште, Струга.
Во 10:40 часот ќе биде пристигнувањето во село Ташмаруниште, при што ќе положи свежо цвеќе на спомен обележјето на Двата Илиндена. Притоа ќе ја посети и црквата Св. Архангел Михаил.
Претседателот на ВМРО-ДПМНЕ, Христијан Мицкоски ќе има свое обраќање.