fbpx
8.8 C
Skopje

Македонско-грчките страсти се разгоруваат: „Комити“ не може да одат во Солун!

АКТУЕЛНО

Вардаровите навивачи  „Комити“ добија забрана за патување во соседна Грција, поточно во Солун на дуелот од фудбалската Лига Европа помеѓу ПАОК и Шалке.

Како што е познато „Комити“ се збратимени со навивачите на Шалке „Ултрас Гелзенкирхен“ и често заедно навиваат на дуели каде што игра Вардар или пак Шалке.

Со оглед на близината на Скопје и Солун, беше планирано поголема група на „Комити“ да патува во Солун, но оваа информација брзо стигнала до надлежните кај нашиот јужен сосед кои експресно реагирале и забраниле било какви гости од Македонија на споменатиот дуел. Притоа на фановите на германскиот тим им е забрането да истакнуваат било каков македонски симбол на стадионот.

Ова е само продолжување и разгорување на страстите, со оглед на тоа што пред неколку година на дуел во Гелзенкирхен токму помеѓу Шалке и ПАОК беше извадено македонско знаме по што настана конфликт. Навивачите на ПАОК се актуелни и деновиве откако со нивните пријатели навивачи на српски Партизан ја навредуваа нашата држава, на што во текот на вчерашниот ден им вратија поддржувачите на прилепска Победа, „Мајмуни“.

ПОСЛЕДНИ ОБЈАВИ

- Advertisement -