Синоќа беше остварена средба помеѓу ДУИ и Алијанса на Албанците. Иако првично беше најавен состанок помеѓу лидерите на партиите, подоцна беше јасно дека разговор ќе имаат нивните замениците.
Па така, од страна на Алијанса на Албанците на состанокот пристигнаа Таравари, Ферати, Точи и Беџети, додека од ДУИ учество земаа Меџети, Арифи и Бејта.
На средбата, како и што се очекуваше, било разговарано за документот со предлози, кој СДСМ го достави до ДУИ. Од ДУИ пак покрај барање за разговор со Алијансата на Албанците, не ги поканија БЕСА, ниту пак ДПА.
Ставот по средбата на двете страни беше дека за нив најбитно е да бидат реализирани сите точки од платформата, а не е важно кој ќе ја предводи Владата.