Претседателот на ДУИ, Али Ахмети по средбата со лидерот на СДСМ, Зоран Заев, во седиштето на ДУИ во Мала Речица, изјави дека нема многу разлики меѓу ставовите на ДУИ и СДСМ.
„Употребата на албанскиот јазик со устав е загарантирана. Деновиве ќе го свикаме Централното претседателство за да донесеме важна одлука. Во меѓувреме, очекуваме експертите да најдат решенија. Нема многу разлики меѓу платформите на ДУИ и СДСМ. Денеска не разговаравме за потписите, туку за различните ставови на партиите“, изјави Ахмети.