Унија на млади сили на ВМРО-Народна партија е загрижена во однос на последните случувања со инцидентите во кои главна улога имаат млади луѓе.
Упатуваме остра реакција но и апел до сите релевантни институции да превземат навремени мерки за да не дојде до заострување на безбедносната состојба и не се повторат инцидентите од пред неколку години кога скоро секој ден имаше по неколку случаеви на напади врз и помеѓу младите луѓе.
Не сакаме ниту да помислиме дека сите овие инциденти се плод на нечија режија и сценарио за одвлекување на вниманието во пресрет на последните случувања околу политичката криза во Македонија.
Унијата на млади сили на ВМРО-Народна партија воедно повикува на смиреност и трезвеност, па секое изразување на револт, доколку го има да биде три пати промислено и во склад со нормалните човечки односи, бидејќи ножевите не ни носат ниту добро ниту просперитет туку само не враќаат назад и оставаат трајни последици по меѓучовечките односи во државата.