Денес со почеток во 16 часот ќе започне да функционира железничкиот сообраќај во државата, откако двете страни се договорија протестот да прекине.
Вработените во МЖ Транспорт конечно се договорија со в.д. директорот, Игор Коруновски платата за јануари да биде исплатена веќе идната недела, па до крајот на месецот да ја добијат и платата за февруари.
Протестите на вработените во Македонски железници започнаа пред околу две недели, откако не добија две плати. Вработените добија ветување и дека од април ќе започне редовна исплата на платите.
