ЖРК Вардар забележа два неочекувани порази во серија во Лигата на Шампионите, што резултираше со промена на тренерите, па Давид Дејвис кој ги предводеше девојките, ќе се врати на своите стари обврски во машкиот тим.
Нов предвоник на ЖРК Вардар ќе биде Ирина Полторацкаја Дибирова, а ова за неа ќе биде дебитантско тренерско искуство. Таа е поранешна двојна европска шампионка и трикратен светски првак.
Полторацкаја веќе подолг период живее во Скопје, ако се знае дека таа е сопруга на Тимур Дибиров, ракометарот на Вардар. Зад себе има успешна играчка кариера, која се надеваме дека ќе продолжи успешно и како тренер.
