Бразилскиот фудбалски тим Чапекоенсе успешно се опоравува по големата авионска трагедија во која загина речиси целиот фудбалски тим.
Кога се случи несреќата, сочуство изразија сите спортски тимови кои најавија дека и ќе му помогнат на бразилскиот тим, но подоцна помош имало само од Барселона и никој друг клуб.
Оваа информација ја пренесе претседателот на тимот, Давид де Нес кој истакна дека е благодарен на „каталонците“ за нивниот потег.
„Само еден тим вистински ни помогна, тоа е Барселона. Од нив добивме и финансиска помош, а бевме поканете и на Гампер трофејот кој ќе се одигра оваа година во август. Оваа прилика ја користам уште еднаш да им се заблагодарам“, истакна Де Нес.
