Претседателот на ВМРО-ДПМНЕ, Никола Груевски во гостувањето на Канал 5, одговарајќи на новинарско прашање за случајот Труст на СЈО, рече целта на СЈО е да се замолчат медиумите кои гласно зборуваат за ризиците со кои се соочува државата.
„Целта е да им се задуши ВМРО-ДПМНЕ со потрупување со обвиненија за кои нема докази. Планот им е не само да се оди кон поединци од ВМРО-ДПМНЕ туку и да се нападне партијата, да се заплени нејзиниот имот, да се блокира сметката. Под закана е клучната политичка партија која е на браникот на државните национални интереси. Тоа е план кој само народот може да го спречи. Потребно е народот да си ја одбрани својата држава затоа што може да ја нема“, рече Груевски.