Северина: Не одам во Србија додека е „диктаторот“ на власт
Имено, Северина синоќа се упатила кон Србија, но српската полиција ја запрела на граница и ја привела на разговор. Некои српски медиуми како причина ги наведоа „контроверзните изјави“ коишто таа ги дала во јавноста. Интернет-сеирџиите почнаа со своите шеги…
„Северина… Државен непријател број 1“, „Ги профали ‘форите’ на Вучиќ“, „Отсега Северина ми е на плејлистата“, „Утрово во Белград е уапсен хрватски шпион“ – гласат дел од коментарите.
По разговорот на Северина ѝ е дозволен влез во Србија, но таа се вратила во Хрватска и потоа објаснува како ѝ бил претресуван автомобилот и била испрашувана за нејзините изјави за Сребреница.
Вучиќ рече дека мисли се најлошо за Северина, но дека е глупаво тоа што била задржана од српската полиција.