Три силни земјотрес денес ја потресоа централна Италија, јавуваат тамошните медиуми, но засега нема информации за материјални штети или настрадани.
Од информациите на Европскиот сеизмолошки центар, првиот удар е регистриран во 10,25 часот во централна Италија, со магнитуда од 5,3 степени по Рихтеровата скала. Вторите два земјотреса биле посилни, и се со магнитуди од 5,7 односно 5,6 степени, а регистрирани се до 11,26 часот.
Епицентарот на земјотресите бил на 104 километри североисточно од италијанската престолнина Рим, и само седум километри оддалечен од Аматриче, кој биеше погоден од силниот потрес во август минатата година кога загинаа 300 луѓе.