Фановите на Челзи се надеваат дека клубот ќе биде казнет од ФИФА и да не може да прави трансфери во овој преоден рок. Причината за ваквата смешна реакција на навивачите на англискиот шампион се информациите дека клубот има намера да го ангажира напаѓачот на Стоук сити, Питер Крауч.
Исто така кружат информации дека „сините“ во случај да не успеат со Крауч ќе се обидат да го земат Енди Керол.
Па така на социјалните мрежи навивачите упатуваат молби до ФИФА веднаш да го казни Челзи со забрана за трансфери во зимскиот преоден рок. Како информација Светската фудбалска куќа го разгледува лондонскиот клуб за 25 трансфери на играчи под 18 годишна возраст.
„ФИФА ве молам казнете го Челзи да не може да прави трансфери, за да не се глупираме и да купуваме фудбалери како Питер Крауч и Енди Керол!“, напишал еден лут фан.
Повеќе за ова на – Sport.com.mk