Во петок и официјално заврши зимскиот распуст за учениците, па од понеделник околу 270.000 учениците се очекува да се вратат во училишните клупи за почетокот на второто полугодие од учебната 2016/17 година.
Истиот требаше да заврши порано, но по препорака од Комисијата за заразни болести и Министерството за здравство поради желба да се избегне опасност од ширење на грип, распустот беше продолжен од 18. до 20. јануари.
Ова значи дека околу 270.000 ученици, од кои 188.000 основци и 80.000 средношколци од утре (понеделник) ќе започнат со учење, а веќе од следниот понеделник ќе започне и екстерното тестирање на 18.600 матуранти.