Македонската репрезентација денес го одигра вториот натпревар од квалификациите за ЕП 2020 и изненадувачки бевме поразени од селекцијата на Грција 28:26.
Избраниците на Раул Гонзалес повторно одиграа лош натпревар (против Турција одигравме лошо, но победивме) и во салата во Кожани го претрпевме првиот пораз во вториот натпревар од квалификациите.
Македонија на стартот од натпреварот натправи предност од три гола гола разлика, но домаќинот брзо се врати во натпреварот и потоа скоро во текот на целиот натпревар ние имавме предност од 1-2 гола разлика.
На полувреме заминавме со 12:13.
И во вториот дел гледавме слична ситуација на теренот. Водството го изгубивме на десетина минути пред крајот на натпреварот, кое домаќинот до крајот успеа и да го задржи.
Треба да се истакне дека голманот Никола Митревски веројатно беше единствениот кој беше на потребното ниво и натпреварот го заврши со 13 одбрани.
Извор: Спортски.мк
