Фудбалската федерација на Македонија (ФФМ) и во следните четири години ќе биде предводена од досегашниот претседател Илчо Ѓорѓиoски.
На денешното изборно собрание на ФФМ одржано во „Александар Палас“, Ѓорѓиоски едногласно беше изгласан и доби нов мандат. Како и што се очекуваше, изборот помина без противкандидат со оглед на тоа што кандидатурата на Мирса Јонуз беше отфрлена поради нерегуларности.
Присутни на собранието беа и претставници и од УЕФА, меѓу кои и хрватската легенда Давор Шукер кој е член на Извршниот одбор на УЕФА.