27.8 C
Skopje
Wednesday, June 12, 2024

Стефковски: Целосна и безрезервна поддршка на претседателот Мицкоски да продолжи да ја води партијата

Во денешната емисија „За или Против“ на Алфа ТВ гостуваше градоначалникот на општина Гази Баба, Бобан Стефковски кој што истакна дека ВМРО-ДПМНЕ е обединето и истакна дека дава целосна и безрезервна поддршка на претседателот Мицкоски се до конечната победа на парламентарни избори.

„ВМРО-ДПМНЕ е партија на македонското национално единство, јас покрај тоа што сум градоначалник сум и претседател на општинскиот комитет на ВМРО-ДПМНЕ во Гази Баба и она што сакам да го кажам е дека во партијата во моментот владее целосно единство, односно раководството изминатиот период докажа дека е на правилниот пат а доказ за тоа се резултатите од локалните избори на кои што ВМРО-ДПМНЕ освои повеќе од 40 градоначалници но за тоа говори и фактот дека во собранието ВМРО-ДПМНЕ ја има најбројната група. Во таа насока давам целосна и безрезервна поддршка на претседателот Мицкоски да продолжи да ја води партијата до парламентарните избори каде што ВМРО-ДПМНЕ ќе издвојува убедлива победа“ нагласи Стефковски.

Стефковски потенцираше дека ВМРО-ДПМНЕ е обединето и се фокусирани на изработката на стратегијата и изработката на програмата со која што ќе настапат на парламентарните избори бидејќи тоа е она што граѓаните го очекуваат а ВМРО-ДПМНЕ е секогаш на страната на народот.

„Она што сакам да го соопштам е дека во моментот во партијата повеќе сме фокусирани на изработката на стратегијата на изработката на програмата со која што ќе настапиме на парламентарните избори бидејќи тоа е она што граѓаните го очекуваат а тоа е дека ВМРО-ДПМНЕ секогаш е на страната на народот и секогаш ВМРО-ДПМНЕ има политики со кои што се решаваат егзистенцијалните проблеми на граѓаните“ истакна Стефковски.

поврзани објави

Последни објави