fbpx
9.8 C
Skopje

„Фолксваген“ граби кон нов продажен рекорд и прво место на најголем светски производител на автомобили

АКТУЕЛНО

Во првата половина од 2017 година групацијата „Фолксваген“ низ светот испорачала 5.115.900 возила, со што за 0,8 отсто ја надмина ланската продажбата во истиот период и со тоа стана најсериозен кандидат за титулата најголем производител на автомобили во светот.

Најважен светски пазар за оваа групација и натаму е Европа, каде во периодот јануари-јуни се пласирани 2.271.800 автомобили, со раст на годишно ниво од 3,5 отсто. Вториот регион, што на германскиот авто-гигант му носи знајачителни приходи од продажбата. е азиско-пацифичкиот, каде во првите шест месеци се испорачани 1.986.200 возила, од кои дури 1.862.000 стигнаа во рацете на кинеските купувачи.

Во првата половина од 2017 година „Фолксваген“ добро котираше и во Северна Америка, каде е забележан раст од 3,9 отсто на годишно ниво, додека само во САД растот е 7,2 отсто (испорачани се 293.400 автомобили).

Процентуално најголемо зголемување на продажбата е забележано во Јужна Америка, каде се пласирани 248.300 (+11,4 отсто).

Од сите автомобилски марки што работат под покровителство на групацијата „Фолксваген“, најмногу возила за првите шест месеци продаде матичниот бренд „Фолксваген“, дури 2.935.100, со раст од 0,3 отсто . Потоа следат „Ауди“ (909.000), „Шкода“ (585.000), „Сеат“ (246.500) и „Порше“ (126.500).

Останува да се види дали групацијата и во втората половина од 2017 година ќе забележи раст на испораките и на тој начин ќе дојде до новиот историски продажен рекорд.

За титулата најголем светски производител на автомобили, на групацијата „Фолксваген“, освен јапонска „Тојота“, годинава ќе и конкурира и „Рено-Нисан“, групацијата што во првите четири месеци го зазеде третото место на листата.

ПОСЛЕДНИ ОБЈАВИ

- Advertisement -