Денеска се игра дуелот помеѓу Манчестер јунајтед и Евертон, покрај Руни, во центарот на вниманието ќе биде и Лукаку кој исто така игра против својот поранешен клуб.
Силни беа шпекулациите дека Лукаку ќе потпише за Челси, но на големо изненадување тој се пресели во Манчестер јунајтед.
Јунајтед го победи Челси, а се шпекулираше дека тоа е поради Мурињо кој успеал да го убеди фудбалерот да му се приклучи на Олд Трафорд. Но Португалецот вели дека тие само ја платиле сумата која ја барал Евертон.
„Не мислам дека причината е мое влијание. Мислам дека ги плативме парите кои Евертон ги бараа и на фудбалерот му ја дадовме платата која ја побара неговиот агент и ја плативме провизијата на агентот која ја бараше“ – објаснува Мурињо.
„Мислам дека тоа е начинот на кој го донесовме Лукаку, не гледам друга причина. Плативме тоа што бараше Евертон. Клубот кој продава одлучува за сумата, а клубот кој купува одлучува дали ќе плати или не. Во случајот на Ромелу, мојот клуб одлучи да ја плати сумата и ние го добивме“.
Извор: 24Фудбал