18.8 C
Skopje
Saturday, July 13, 2024

Без страв и размислување: Кацарска казни и избрка 50 адвокати од „27 април”

Судијката Добрила Кацарска ги казни сите 50 адвокати кои ги застапуваа 33 обвинети за настаните од 27-ми април. Адвокатите се казнети со по 1000 евра и отстранети од судењето.

Кацарска се решила на ваков потег поради реакција на дел од одбранта дека судницата во старата зграда на Кривичен нема услови и простор да смести над 50 луѓе, дел од процесот за 27-ми април, објави АлсатМ.

Сега обвинетите ќе треба да чекаат Судот да им назначи бранители по службена должност со оглед на тоа што на досегашните бранители им е одземено правото да ги застапуваат.

Обвинителката која го застапува предметот посочи дека тенденцијата на адвокатите е друга и оти не е проблем просторот и судницата во која и во минатото се сослушувале загрозени сведоци од други случаи.

Застапникот на обвинението, Вилма Русковска, рече дека не може да ја коментира веста оти се договара амнестија за обвинетие за 27 април оти тоа е политичка одлука.

Судот даде пауза од еден час и се чека да се види на кој начин и со кои адвоикати ќе се сослуша загрозениот сведок, сведочење кое треба да ги поврзе активностите на обвинетите лани на 27 април.

поврзани објави

Последни објави