Голем пожар изби денеска во предградие на Мелбург и проголта неколку згради. Пожарот бил предизвикан од високите температури и сувото време, придружено со силни ветришта.
Властите им препорачаа на граѓаните да побараат засолниште наместо да се евакуираат, бидејќи така ризикуваат да бидат заробени од пожарот. Повеќе од 400 куќи останаа без електрична енергија, а ширум сојузната држава Викторија денес биле пријавени повеќе од 50 пожари.
Температурите во Австралија достигнуваат до 46 Целзиусови степени, а на жителите на земјата им е дадено предупредување да не излегуваат за време на најголемите жештини.
Температурите се толку високи што некои корисници на Твитер објавија фотографии на кои се гледа како катранот во асфалтот се топи, што доведе до создавање на големи гужви на автопатите. Во јужниот дел на Австралија и во главниот град Канбера се очекуваат температури до 38 Целзиусови степени, а во некои делови и до 46 степени.