25.8 C
Skopje
Tuesday, July 23, 2024

Ѓорчев: Столтенберг и се заблагодари на ВМРО-ДПМНЕ за поддршката во НАТО интеграциите

Делегацијата на ВМРО-ДПМНЕ имаше конструктивна средба со генералниот секретар на НАТО, Јенс Столтенберг, на која се разговараше за повеќе прашања, меѓу кои и стратешката определба за членството во НАТО, рече координаторот на пратеничката група на ВМРО-ДПМНЕ, Владимир Ѓорчев.

ВМРО-ДПМНЕ е првата партија која кажа дека Македонија треба да е членка на НАТО и ЕУ. ВМРО-ДПМНЕ гласаше Македонија да учествува во сите мисии на НАТО.

Тој истакна дека Македонија во моментов е единствена земја во Европа каде има секојдневен политички прогон на опозицијата, затворени пратеници, уметници, рецесија и лоша економска состојба.

Во врска со враќањето на ВМРО-ДПМНЕ во Собранието, Ѓорчев изјави дека е познат ставот на партијата и апелираше до власта да го прекине политичкиот прогон, односно да дојде до норамализација на политичките односи.

Ѓорчев информираше дека на средбата меѓу делегацијата на ВМРО-ДПМНЕ и Столтенберг, тема на разговор не бил законот за употреба на јазиците.

– Одлуката на Иванов треба да биде причина за поголема дебата на оваа тема и вклучување на експертите во решавањето на проблемот со името. Столтенберг беше заинтересиран за прашањето со името, но ние имаме одредени црвени линии кои нема да бидат преминати, рече Ѓорчев.

Извор: А1он

поврзани објави

Последни објави