Ли Ержу, земјоделец од руралната област Хандан во Кина, секоја сабота го повикува истиот телефонски број, иако тој е одамна исклучен.
Станува збор за бројот на неговиот син кој бил меѓу 239-те патници во малезискиот авион МХ-370 што исчезна пред пет години и досега не е пронајден, што претставува една од најголемите авионски мистерии во историјата.
– Не ми е грижа кој е на другата страна. На синот секогаш имам да му кажам неколку зборови, вели 60-годишниот селанец за својот седмичен ритуал.
Неговиот син, Ли Јанлин, кој работел во Малезија за кинескиот телекомуникациски гигант ЗТЕ, имал 30 години кога авионот на летот Куала Лумпур – Пекинг, исчезна на 8 март 2014 година.
Потрагата по авионот на компанијата „Малезија ерлајнс“ МХ370, која 90 дена ја спроведуваше приватна американска фирма, денеска и официјално заврши. По малезискиот авион трагаше компанијата „Оушн инфинити“ со седиште во Хјустон.
Авион со 239 патници и членови на екипаж исчезна од радарите на 8 март 2014 година на летот Куала – Лумпур-Пекинг, потесетува Би-Би-Си. Во авионот беа 153 лица од Кина, 38 од Малезија, а останатите од Иран, САД, Канада, Индонезија, Австралија, Индија, Франција, Нов Зеланд, Украина, Русија, Тајван и Холандија. Сите 12 членови на екипажот беа од Малезија.
Ова беше една од најобемните потраги во историјата на авијацијата, а пребарани се повеќе од 120.000 километри квадратни од Индискиот Океан. Делови од урнатиот авион се пронадени дури во Мадакаскар, но никогаш не е пронајден трупот на авионот.
