Пред неколку денови стана јасно, дека комисијата, која работи на решавање на спорните историски прашања меѓу Северна Македонија и Република Бугарија, одново не постигна согласност по темата за Гоце Делчев.
Тоа беше една од најдраматичните средби меѓу нас. Ние очекувавме вакво нешто, бидејќи знаеме дека Гоце Делчев е една од фигурите, кои македонизмот ги присвоил за свои, вели проф. Кирил Топалов, бивш пратеник во Ватикан и член на мешовитата експертска македонско – бугарска комисија.
Кога разговаравме за историјата на Бугарија и Северна Македонија, влеговме во спорови околу Гоце Делчев и ги замоливме нашите колеги да ги цитираат изворите од кои ги извлекуваат своите приказни”. Тие не можеа. Излезе дека македонците не си ги познаваат историските извори на кои се повикуваат, вели тој во интервју за бугарската БТВ.
Според него, Гоце Делчев е бугарин, а датата за неговото чествување не треба да биде на 7 октомври како што предлагаат колегите од Македонија.
Во Северна Македонија се обидуваат да кажат дека чим Гоце Делчев е роден во Кукуш, тој е македонец. Сето ова доаѓа по завршувањето на Втората светска војна и одлуките на Коминтерната, кои ги диктира Сталин. Тој не ја сакаше Бугарија, бидејќи голем број советски републики сакале да се викаат Бугарска Советска Република. Идејата на Сталин беше да исчезнат националните држави и да се создаде заедничка комунистичка држава.
Сталин сакал да ја подели Бугарија на три дела – Добруџа, Тракија и Македонија. Најголемата предавство го сторија Георги Димитров и Васил Коларов, кој ја поддржа оваа одлука и се согласи да ја подели земјата на три дела и да го избрише нејзиното име.
Теоријата на македонизмот се развива во Србија. По Втората светска војна, сето тоа што е бугарско било однесено во Македонија од страна на Србите. Луѓето се испраќаат во кампови. И овде во Бугарија луѓето беа тепани и натерани да се пишуваат како Македонци. Георги Димитров беше подготвен да ја предаде Пиринска Македонија на новоформираната држава Македонија.
Нашата цел е за нивните историчари да ја кажат вистината. Овој процес ќе биде незгоден, бидејќи по Втората светска војна, многу лажни изјави се препишани. Свеста, изградена за многу децении, не се менува за неколку месеци “, објасни професорот Топалов.
