37.8 C
Skopje
Sunday, July 14, 2024

ВМРО-ДПМНЕ: Наместо подобар живот, студентите добија оброк помалку во студентските домови

Сара Александрова од ВМРО-ДПМНЕ денеска во изјава за медиуми рече дека студентскиот живот и студентскиот стандард тонат во хаосот креиран од СДСМ и дека студентите како и сите други ја плаќаат цената на, како што рече, неспособноста на Заев и лагите со кои што ги добиле гласовите од граѓаните.

– Наместо подобар живот, студентите добија оброк помалку во студентските домови. Се уште студентите не добија ништо од најавите на СДС и Зоран Заев за подобар студентски стандард во периодот пред декемвриските избори и ги зголемуваат маките на македонските студенти. Владата молчи. Ги нема сега да кажуваат за розевата слика која манипулативно ја создаваа, рече Александрова.

Таа рече дека најновата одлука на раководните структури од СДСМ предвидувала укинување на појадокот за студентите кои годинава добиле легло во студентски домови во Скопје.

– Отсега наместо вообичаените три оброци кои им следуваа, идните академски граѓани кои одлучиле да ги користат услугите на студентските домови, за истата цена која ја плаќале и досега, ќе добиваат само два оброка. Тоа значи дека трошокот за студирање станува поголем. Оброкот кој досега го покриваше државата, ќе мораат да го платат од сопствениот џеб. Покрај оваа најнова мерка за „живот”, студентите ги паметат и не така одамна укинатите и стопирани мерки наменети за нив, како згаснувањето на дисперзираните студии, стопирањето на проектот 30/35 кој обезбедуваше финансиски поволности при студирањето за повозрасните граѓани со интерес за студирање, гласањето против законот за студентски ваучери за купување компјутери, рече Александрова и додаде дека владата го руши достоинството на младите и студентите.

поврзани објави

Последни објави