fbpx
15.8 C
Skopje

15 години затвор за бугарскиот разузнавач кој изнесуваше лажни обвиненија против Љубчо Георгиевски

АКТУЕЛНО

На затворска казна од 15 години и конфискација на имотот е осуден поранешниот шеф на бугарската разузнавачка служба, генерал Кирчо Киров, јави бугарскиот „Де Факто“.

Киров го привлече вниманието на македонската јавност во 2015 година со тврдењето дека бугарската разузнавачка служба врбувала многу видни имиња во ВМРО-ДПМНЕ, вклучително и нејзиниот прв претседател, Љубчо Георгиевски.

Тој е осуден за злоупотреба на 5 милиони лева (2,55 милиони евра) од парите за разузнавачка дејност до 1999 година. Софискиот Воен суд за соучесништво го осуди и Димитар Лидарев, полковник во резерва и поранешен функционер во Националната разузнавачка служба. Тој доби три годишна затворска казна и потоа пет години условно. Според пресудата, по налог на Киров, Лидарев подготвувал фалсфикат-документи за подигање пари и потоа ги подигал парите од благајната.

Процесот е почнат минатата година, кратко откако Воениот апелациски суд го врати на повторно судење првиот случај против Киров, во којшто тој исто така беше осуден. Повтореното судење заврши вчера, при што Киров исто така доби 15 години затвор, а беше наложено и конфискација на половина од неговиот имот. Во тој случај, Киров се товареше дека од 2007 до 2011 година проневерил долари и евра во вкупна вредност од 5,1 милиони лева.

Против Киров се води уште еден случај, за издавање државна тајна во 2014 година, кога во телевизиско интервју ги изнел деталите за спасување на бугарски возач од смртна казна во Иран.

Инаку, истиот беше апсолутно разобичен во емисијата „Слободна Зона“ од претседателот на ВМРО НП Љубчо Георгиевски кој тогаш рече дека господинот Киров кој е обвинет за тешко кривично дело т.е за проневера на пари во службата, па оттаму имал мотиви да во една таква ситуација да и покажува на бугарската јавност колку голем патриот бил всушност самиот тој.

ПОСЛЕДНИ ОБЈАВИ

- Advertisement -